Hum ko ab tak aashiqui ka woh zamana yaad hai

Also Read

غزل 

ساتھ تیرے بیٹھ کر پڑھنا پڑھانا یاد ہے

اور تیرے عشق کا پہلا نشانہ یاد ہے

زندگی کے سارے ارماں سارے غم سب بھول کر

صرف تیری دید سے نظریں ملانا یاد ہے

جب ملا کرتے تھے ہم ڈر ڈر کے چھت پر رات دن

ہم کو اب تک عاشقی کا وہ زمانہ یاد ہے

کر کے تجھ سے بے وفائی جب جدا دونوں ہوئے

پھر تری یادوں میں دل کا پھڑ پھڑانا یاد ہے

داستان عشق رو رو کے سناتے ہو ہمیں

ایسا لگتا ہے تمہیں اپنا فسانہ یاد ہے

لوگ کہتے ہیں ہمیں افسردہ دل نا چیز ہو

اسلئے ہم کو ابھی تک دل لگانا یاد ہے

دل سے دل کی بات کہنا یہ ترا ہی کام تھا

یوں علی تیری محبت کا زمانہ یاد ہے

✍🏻محمد علی حسن