Type Here to Get Search Results !

Tere Ishq ki inteha chahta hu | Allama Iqbal

Views 0

Also Read

 ترے عشق کی انتہا چاہتا ہوں 
مری سادگی دیکھ کیا چاہتا ہوں 

ستم ہو کہ ہو وعدۂ بے حجابی 
کوئی بات صبر آزما چاہتا ہوں 

یہ جنت مبارک رہے زاہدوں کو 
کہ میں آپ کا سامنا چاہتا ہوں 

ذرا سا تو دل ہوں مگر شوخ اتنا 
وہی لن ترانی سنا چاہتا ہوں 

کوئی دم کا مہماں ہوں اے اہل محفل 
چراغ سحر ہوں بجھا چاہتا ہوں 

بھری بزم میں راز کی بات کہہ دی 
بڑا بے ادب ہوں سزا چاہتا ہوں 

علامہ محمد اقبال

Post a Comment

0 Comments

Top Post Ad

Below Post Ad