Na Aah Karte Hue Aur Na Wah Karte Hue

Also Read

نہ آہ کرتے ہوئے اور نہ واہ کرتے ہوئے 
جئیں گے ضبط کو اپنی پناہ کرتے ہوئے

 
وہ ایک رنگ جو چھلکے گا اس کی آنکھوں سے 
وہ جیت لے گا مجھے اک نگاہ کرتے ہوئے 

بدل بھی سکتی ہے دنیا یہ جانتا ہوں مگر 
میں ہار جاؤں گا اس سے نباہ کرتے ہوئے

 
میں سب حساب رکھوں گا سفیدیوں سے پرے 
اب اپنی فرد عمل کو سیاہ کرتے ہوئے

ترے بغیر مجھے زندگی نہ راس آئی 
سو جی رہا ہوں میں خود کو تباہ کرتے ہوئے