mazahiya ghazal shayari

۔۔۔۔۔۔۔۔۔۔۔۔۔۔۔مزاحیہ غزل۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔ملاحظ کریں۔۔۔۔۔۔۔۔۔۔۔۔

دودھ کو جب ملایا پانی میں
رنگ آیا ہے تب کہانی میں

کر رہا ہوں وہ ناتوانی میں
جو نہیں کر سکا جوانی میں

جو نہیں گُن ہے گھر کی ملکہ میں
گُن وہ پایا ہوں نوکرانی میں

چوری پکڑی گئی تو کہہ اٹھے
ہوگئی یہ تو بے دھیانی میں

گھر کی عورت کو بھیج مت بازار
ورنہ لٹ جائے گا گرانی میں

مار کھائی نہ؟ تو نے بیوی سے
کیا؟ ملا تجھ کو حق بیانی میں

اہلیہ سے نجات دلوائے
کچھ ہنر ہے اگر گیانی میں

اب تو ڈھیلی سِلاتا ہوں پھر بھی
پینٹ پھٹتی ہے کیوں میانی میں

وہ کہاں عام غزلوں میں احمد
جو مزہ ہے مزاح خوانی میں