Aye Saba Mustafa se Keh Dena Lyrics in Urdu

Table of Content (toc)

اے صبا مصطفی سے کہہ دینا غم کے مارے سلام کہتے ہیں

یاد کرتے ہیں تم کو شام و سحر دل ہمارے سلام کرتے ہیں

اللہ اللہ حضور کی باتیں مرحبا رنگ و نور کی باتیں

چاند جن کی بلائیں لیتا ہے اور ستارے سلام کہتے ہیں

اللہ اللہ حضور کے گیسو بھینی بھینی مہکتی وہ خوشبو

جس سے معمور ہے فضا ہر سو اور نظارے سلام کہتے ہیں

جب محمد ﷺ کا نام آتا ہے رحمتوں کا پیام آتا ہے

لب ہمارے درود پڑھتے ہیں دل ہمارے سلام کہتے ہیں

زائر کعبہ تو مدینہ میں پیارے آقا سے اتنا کہہ دینا

آپ کی گردِ راہ کو آقا بے سہارے سلام کہتے ہیں

ذکر تھا آخری مہینے کا تذکرہ چھڑ گیا مدینے کا

حاجیوں مصطفی سے کہہ دینا غم کے مارے سلام کہتے ہیں

اے خدا کے حبیب پیارے رسول یہ ہمارا سلام کیجئے قبول

آج محفل میں جتنے حاضر ہیں مل کے سارے سلام کہتے ہیں

✰✰✰

Aye Saba Mustafa se Keh Dena Lyrics in Hindi 

Coming soon

✰✰✰

Aye Saba Mustafa se Keh Dena Lyrics in English

Coming soon

✰✰✰