Type Here to Get Search Results !

Maslake Ala Hazrat Salamat rahe | Dilkash Ranchvi

Views 0

Also Read

 یا خدا !  بزمِ کونین میں تا ابد 
شمعِ بزمِ ہدایت سلامت رہے 
گلشنِ اعلیٰ حضرت کے جتنے ہیں پھول 
سارے پھولوں کی نکہت سلامت رہے

لاکھ جلتے رہیں دشمنانِ رضا
کم نہ ہوں گے کبھی مدح خوانِ رضا 
کہہ رہےہیں سبھی عاشقانِ رضا 
مسلکِ اعلیٰ حضرت سلامت رہے 

جب پڑی ماہِ طیبہ کی نوری کرن 
لہلہایا بریلی کا حسنِ چمن 
جھوم اٹھے دیکھ کر سارے اہلِ سنن 
گلشنِ قادریت سلامت رہے 

اے بریلی مرا بابِ جنت ہے تو 
یعنی جلوہ گہِ اعلیٰ حضرت ہے تو 
بالیقیں مرکزِ اہلِ سنت ہے تو
یہ تری مرکزیت سلامت رہے 

نعرہ فیضِ رضا کا لگاتا رہوں
منکروں کے دلوں کو جلاتا رہوں
اور کلامِ رضا میں سناتا رہوں
فیضِ احمد رضا تا قیامت رہے

اہلِ ایمان تو کیوں پریشان ہے
رہبری کو تیری کنز الایمان ہے
ہر قدم پر یہ تیرا نگہبان ہے
شمعِ رشد و ہدایت سلامت رہے

روزِ محشر اگر مجھ سے پوچھے خدا
بول آلِ رسول تو لایا ہے کیا
عرض کر دوں گا لایا ہوں احمد رضا
یا خدا ! یہ امانت سلامت رہے

اعلیٰ حضرت کا دلکشؔ یہ احسان ہے
اب تلک باقی خوشبوئے ایمان ہے
باخدا یہ بریلی کا فیضان ہے
یہ عطا یہ عنایت سلامت رہے

Post a Comment

0 Comments

Top Post Ad

Below Post Ad