Aseeron ke Mushkil kusha Ghouse Azam lyrics in Urdu

Table of Content (toc)

Listen to the audio file

اسیروں کے مشکل کشا غوث اعظم

فقیروں کے حاجت رَوا غوث اعظم

گھرا ہے بَلاؤں میں بندہ تمہارا

مدد کے لیے آؤ یا غوث اعظم

ترے ہاتھ میں ہاتھ میں نے دیا ہے

ترے ہاتھ ہے لاج یا غوث اعظم

مریدوں کو خطرہ نہیں بحرِ غم سے

کہ بیڑے کے ہیں ناخدا غوث اعظم

تمھیں دُکھ سنو اپنے آفت زدوں کا

تمھیں درد کی دو دوا غوث اعظم

بھنور میں پھنسا ہے ہمارا سفینہ

بچا غوث اعظم بچا غوث اعظم

جو دکھ بھر رہا ہوں جو غم سہ رہا ہوں

کہوں کس سے تیرے سوا غوث اعظم

زمانے کے دُکھ درد کی رنج و غم کی

ترے ہاتھ میں ہے دوا غوث اعظم

اگر سلطنت کی ہوس ہو فقیرو

کہو شیئاً ﷲیا غوث اعظم

نکالا ہے پہلے تو ڈوبے ہوؤں کو

اور اب ڈوبتوں کو بچا غوث اعظم

جسے خلق کہتی ہے پیارا خدا کا

اُسی کا ہے تو لاڈلا غوث اعظم

کیا غورجب گیارھویں بارھویں میں

معمہ یہ ہم پر کھلا غوث اعظم

تمھیں وصلِ بے فصل ہے شاہِ دیں سے

دیا حق نے یہ مرتبہ غوث اعظم

پھنسا ہے تباہی میں بیڑا ہمارا

سہارا لگا دو ذرا غوث اعظم

مشائخ جہاں آئیں بہرِ گدائی

وہ ہے تیری دولت سرا غوث اعظم

مری مشکلوں کو بھی آسان کیجے

کہ ہیں آپ مشکل کشا غوث اعظم

وہاں سرجھکاتے ہیں سب اُونچے اُونچے

جہاں ہے ترا نقشِ پا غوث اعظم

قسم ہے کہ مشکل کو مشکل نہ پایا

کہا ہم نے جس وقت یا غوث اعظم

مجھے پھیر میں نفسِ کافر نے ڈالا

بتا جایئے راستہ غوث اعظم

کھلا دے جو مرجھائی کلیاں دلوں کی

چلا کوئی ایسی ہوا غوث اعظم

مجھے اپنی اُلفت میں ایسا گما دے

نہ پاؤں پھر اپنا پتا غوث اعظم

بچا لے غلاموں کو مجبوریوں سے

کہ تو عبدِ قادِر ہے یا غوث اعظم

دکھا دے ذرا مہر رُخ کی تجلی

کہ چھائی ہے غم کی گھٹا غوث اعظم

گرانے لگی ہے مجھے لغزشِ َپا

سنبھالو ضعیفوں کو یا غوث اعظم

لپٹ جائیں دامن سے اُس کے ہزاروں

پکڑ لے جو دامن ترا غوث اعظم

سروں پہ جسے لیتے ہیں تاج والے

تمہارا قدم ہے وہ یا غوث اعظم

دوائے نگاہے عطائے سخائے

کہ شد دردِ ما لا دوا یا غوث اعظم

ز ہر رو و ہر راہ رویم بگرداں

سوے خویش را ہم نما غوث اعظم

اَسیر کمند ہوا یم کریما

بہ بخشائے بر حالِ ما غوث اعظم

فقیر تو چشمِ کرم از تو دارد

نگاہے بحالِ گدا غوث اعظم

گدایم مگر از گدایانِ شاہے

کہ گویندش اہل صفا غوث اعظم

کمر بست بر خونِ من نفسِ قاتل

اَغِثنی برائے خدا غوث اعظم

اَدھر میں پیا موری ڈولت ہے نیّا

کہوں کا سے اپنی بپا غوث اعظم

بپت میں کٹی موری سگری عمریا

کرو مو پہ اپنی دَیاَ غوث اعظم

بھیو دو جو بیکنٹھ بگداد توسے

کہو موری نگری بھی آ غوث اعظم

کہے کس سے جا کر حسنؔ اپنے دل کی

سنے کون تیرے سوا غوث اعظم

برادر اعلی حضرت استاد زمن مولانا حسن رضا خان بریلوی رحمۃ اللہ تعالیٰ علیہ

 📚 ذوقِ نعت

Download In Urdu(download)

✰✰✰

Aseeron ke Mushkil kusha Ghouse Azam lyrics in Hindi

coming soon

Download In Hindi(download)

✰✰✰

Aseeron ke Mushkil kusha Ghouse Azam lyrics in English

coming soon

Download In English(download)

✰✰✰

Aseeron ke Mushkil kusha Ghouse Azam lyrics Aseeron ke Mushkil kusha Ghouse Azam lyrics in Urdu Aseeron ke Mushkil kusha Ghouse Azam lyrics in Hindi Aseeron ke Mushkil kusha Ghouse Azam lyrics in English Manqabat lyrics Manqabate Gaus e Azam Lyrics Manqabat Ghouse Azam Lyrics Manqabat gaus e azam Manqabat ghouse azam lyrics in urdu Manqabat ghous e azam dastagir Manqabat e ghous azam lyrics Manqabate ghouse pak Gyarahvi Shareef Manqabat Lyrics