منقبتِ حضور غوثِ پاک رضی اللہ تعالیٰ عنہ
Badal Ya Fard Jo Kaamil Hai Ya Gaus
✦ ۞ ✦
منقبت شریف سماعت فرمائیں 🎧
Badal Ya Fard Jo Kaamil Hai Ya Gaus Lyrics in Urdu
بدل یا فرد جو کامل ہے یا غوث
تِرے ہی در سے مستکمل ہے یا غوث
جو تیری یاد سے ذاہل یا غوث
وہ ذکر اللہ سے غافل ہے یا غوث
اَنَا السَّیَّاف سے جاہل ہے یا غوث
جو تیرے فضل پر صائل ہے یا غوث
سخن ہیں اصفیا، تو مغزِ معنیٰ
بدن ہیں اولیا، تو دل ہے یا غوث
اگر وہ جسمِ عرفاں ہیں تو تو آنکھ
اگر وہ آنکھ ہیں تو تل ہے یا غوث
اُلوہیّت نبوّت کے سوا تو
تمام افضال کا قابل ہے یا غوث
نبی کے قدموں پر ہے جز نبوّت
کہ ختم اس راہ میں حائل ہے یا غوث
اُلوہیّت ہی احمد نے نہ پائی
نبوّت ہی سے تو عاطل ہے یا غوث
صحابیّت ہوئی پھر تابعیت
بس آگے قادری منزل ہے یا غوث
ہزاروں تابعی سے تو فزوں ہے
وہ طبقہ مجملاً فاضل ہے یا غوث
رہا میدان و شہرستان عرفان
تِرا رَمنا تِری محفل ہے یا غوث
یہ چشتی، سہروردی، نقشبندی
ہر اک تیری طرف مائل ہے یا غوث
تِری چڑیاں ہیں تیرا دانہ پانی
تِرا میلہ تِری محفل ہے یا غوث
انھیں تو قادری بیعت ہے تجدید
وہ ہاں خاطی جو مستبدل ہے یا غوث
قمر پر جیسے خور کا یوں تِرا قرض
سب اہلِ نور پر فاضل ہے یا غوث
غلط کردم تو واہب ہے نہ مقرض
تِری بخشش تِرا نائل ہے یا غوث
کوئی کیا جانے تیرے سر کا رتبہ
کہ تلوا تاجِ اہلِ دل ہے یا غوث
مشائخ میں کسی کی تجھ پہ تفضیل
بحکمِ اولیا، باطل ہے یا غوث
جہاں دشوار ہو وہمِ مساوات
یہ جرأت کس قدر ہائل ہے یا غوث
تِرے خدّام کے آگے ہے اک بات
جو اور اقطاب کو مشکل ہے یا غوث
اُسے اِدبار جو مُدْبر ہے تجھ سے
وہ ذی اقبال جو مقبل ہے یا غوث
خدا کے در سے ہے مطرود و مخذول
جو تیرا تارک و خاذل ہے یا غوث
ستم کوری وہابی، رافضی کی
کہ ہندو تک تِرا قائل ہے یا غوث
وہ کیا جانے گا فضلِ مرتضیٰ کو
جو تیرے فضل کا جاہل یا غوث
رضؔا کے سامنے کی تاب کس میں
فلک وار اس پہ تیرا ظل ہے یا غوث
حدائقِ بخشش
Urdu Kalaam Download (download)
Badal Ya Fard Jo Kaamil Hai Ya Gaus Lyrics in Hindi
Coming Soon
Hindi Kalaam Download (download)
Badal Ya Fard Jo Kaamil Hai Ya Gaus Lyrics in English
Coming Soon
English Kalaam Download (download)
आप सभी से निवेदन है कि सही कमेंट करें, और ग़लत शब्दों का प्रयोग ना करें