Type Here to Get Search Results !
AD Banner

Tajdar e Haram Aye Shahenshahe Deen Lyrics

 Tajdar e Haram Aye Shahenshahe Deen Lyrics in Urdu

Table of Content (toc)
تاجدارِ حرم اے شہنشاہِ دیں
تُم پہ ہر دم کروڑوں درود و سلام
ہو نگاہِ کرم ہم پہ سلطانِ دیں
تُم پہ ہر دم کروڑوں درود و سلام

دور رہ کر نہ دم ٹُوٹ جائے کہیں
کاش! طیبہ میں اے میرے ماہِ مُبیں
دفن ہونے کو مِل جائے دو گز زمیں
تُم پہ ہر دم کروڑوں درود و سلام

کوئی حُسنِ عمل پاس میرے نہیں
پَھنس نہ جاؤں قیامت میں مولا کہیں
اے شفیعِ اُمم لاج رکھنا تُمہیں
تُم پہ ہر دم کروڑوں درود و سلام

دونوں عالَم میں کوئی بھی تم سا نہیں
سب حَسینوں سے بڑھ کرکے تم ہو حسین
قاسِم رِزقِ ربُّ العُلیٰ ہو تمہِیں
تُم پہ ہر دم کروڑوں درود و سلام

فکرِ اُمّت میں راتوں کو روتے رہے
عاصِیوں کے گناہوں کو دھوتے رہے
تم پہ قربان جاؤں مِرے مَہ جَبیں
تُم پہ ہر دم کروڑوں درود و سلام

پھول رَحمت کے ہر دم لُٹاتے رہے
یاں غریبوں کی بگڑی بناتے رہے
حوضِ کوثر پہ مت بھول جانا کہیں
تُم پہ ہر دم کروڑوں درود و سلام

ظُلم , کُفّار کے ہنس کے سَہتے رہے
پھر بھی ہر آن حق بات کہتے رہے
کتنی محنت سے کی تم نے تبلیِغ دیں
تُم پہ ہر دم کروڑوں درود و سلام

موت کے وقت کردو نگاہِ کرم
کاش اس شان سے یہ نکل جاۓ دم
سنگِ در پر تمہارے ہو میری جَبِیں
تُم پہ ہر دم کروڑوں درود و سلام

اب مدینے میں ہم کو بُلا لیجیۓ
اور سینہ مدینہ بنا دیجئے
از پںۓ غوثِ اعظم امام مُبیں
تُم پہ ہر دم کروڑوں درود و سلام

عشق سے تیرے معمور سینہ رہے
لب پہ ہر دم ”مدینہ مدینہ“ رہے
بس میں دیوانہ بن جاؤں سلطانِ دیں
تُم پہ ہر دم کروڑوں درود و سلام

دُور ہوجائیں دنیا کے رنج واَلَم
ہو عطا اپنا غم دیجیۓ چشمِ نم
مال و دولت کی کثرت کا طالب نہیں
تم پہ ہر دم کروڑوں درود و سلام

اب بُلا لو مدینے میں عطّاؔر کو
اپنے قدموں میں رکھ لو گہنگار کو
کوئی اِس کے سوا آرزو ہی نہیں
تُم پہ ہر دم کروڑوں درود و سلام

Submitted By: Hajra Khanam Sahiba Mumbai
✰✰✰

Tajdar e Haram Aye Shahenshahe Deen Lyrics in Hindi

coming soon
✰✰✰

Tajdar e Haram Aye Shahenshahe Deen Lyrics in English

coming soon
✰✰✰

Post a Comment

2 Comments
* Please Don't Spam Here. All the Comments are Reviewed by Admin.

आप सभी से निवेदन है कि सही कमेंट करें, और ग़लत शब्दों का प्रयोग ना करें

Top Post Ad

Below Post Ad

Ads Area