Type Here to Get Search Results !

Hajiyo Aao Shahenshah ka Roza Dekho Tazmeen Lyrics

Views 0

یہ بھی پڑھیں

 Hajiyo Aao Shahenshah ka Roza Dekho Tazmeen Lyrics

کرہ ارض پہ فردوس کا نقشہ دیکھو
جہاں بخشش کا دیا جاتا ہے مژدہ دیکھو
ناز قسمت پہ کرو گنبدِ خضریٰ دیکھو

حاجیو! آؤ شہنشاہ کا روضہ دیکھو
کعبہ تو دیکھ چکے کعبے کا کعبہ دیکھو

دیکھ کر خانۂ کعبہ کی نرالی عظمت
مل گئی ہوگی نگاہوں کو یقیناً راحت
سب کی قسمت میں نہیں آتی ہے ایسی ساعت

رکنِ شامی سے مٹی وحشتِ شامِ غُربت
اب مدینے کو چلو صبحِ دل آرا دیکھو

اللہ اللہ وہ دیدارِ مضاف کعبہ
کر لیا حسنِ عقیدت سے طوافِ کعبہ
ہے لئے منظرِ فردوس مطاف کعبہ

خوب آنکھوں سے لگایا ہے غلافِ کعبہ
قصرِ محبوب کے پردے کا بھی جلوہ دیکھو


ایک عرصہ سے جو تھا ہو گیا پورا مقصد
جبل نور کے دیدار سے دل کے گد گد
ملی مزدلفہ کے میدان میں فرحت بے حد

دھو چکا ظلمتِ دل بوسۂ سنگِ اَسوَد
خاک بوسیِّ مدینہ کا بھی رتبہ دیکھو


دل تھا بیتاب بہت دن سے زیارت کے لئے
وہ بھی لمحہ ملا بخشش کی ضمانت کے لئے
سر بھی ہوتے رہے خم سجدوں کی لذت کے لئے

جمعۂ مکّہ تھا عید، اہلِ عبادت کے لیے
مجرمو! آؤ یہاں عیدِ دو شنبہ دیکھو


اس لیے ہند کا حسان انہیں سب نے کہا
شاعرِ نعت کوئی ہند میں ایسا نہ ہوا
سنئے فرماتے ہیں مقطع میں بریلی کے رضا

غور سے سن تو رضاؔ! کعبے سے آتی ہے صدا
میری آنکھوں سے مِرے پیارے کا روضہ دیکھو


تضمین نگار:- شاعرِ اسلام مولانا محبوب گوہر اسلام پوری صاحب
✰✰✰

Post a Comment

0 Comments

Top Post Ad

Below Post Ad