Type Here to Get Search Results !

Kaabe ke badrudduja salam tazmeen lyrics

Views 0

یہ بھی پڑھیں

 Kaabe ke badrudduja salam tazmeen lyrics

یا محمد مصطفٰی تم پہ کروڑوں درود
یا رسولِ مجتبیٰ تم پہ کروڑوں درود
یا حبیب کبریا تم پہ کروڑوں درود
کعبے کے بدر الدجیٰ تم پہ کروڑوں درود
طیبہ کے شمس الضحیٰ تم پہ کروڑوں درود


ہو سراپا معجزہ تم پہ کروڑوں درود
رخ ہے شرح والضحی تم پہ کروڑوں درود
نام میں بھی ہے شفا تم پہ کروڑوں درود
شافعِ روزِ جزا تم پہ کروڑوں درود
دافعِ جملہ بلا تم پہ کروڑوں درود


کس جگہ پہ کیا ہوا کس جگہ پہ ہوگا کیا
سب کے بارے میں تمہیں خوب ہے آقا پتہ
راز کی باتوں سے بھی رب نے ہے واقف رکھا
اور کوئی غیب کیا تم سے نہاں ہو بھلا
جب نہ خدا ہی چھپا تم پہ کروڑوں درود


شہد سے بڑھ کر ہوا تیرا پاکیزہ لعاب
جس سے شیریں ہو گیا ایک پل میں تلخ آب
ہے پسینے کے سبب مہکا مہکا سب گلاب
ذات ہوئی انتخاب وصف ہوئے لا جواب
نام ہوا مصطفٰی تم پہ کروڑوں درود


اپنے دامن کی ہمیں ٹھنڈی ہوا دیجئے
آپ کے بیمار ہیں ہم کو دوا دیجئے
سبز گنبد کی شہا پیاری فضا دیجئے
آنکھ عطا کیجیے اس میں ضیا دیجیے
جلوہ قریب آ گیا تم پہ کروڑوں درود


ہر گھڑی کلکِ رضا اس کو بس زخمی کرے
تیری شانِ پاک میں جو بھی بے ادبی کرے
کیوں نہ گوہر قادری بس ثنا تیری کرے
کام وہ لے لیجیے تم کو جو راضی کرے
ٹھیک ہو نامِ رضؔا تم پہ کروڑوں درود

تضمین نگار:- شاعرِ اسلام مولانا محبوب گوہر اسلام پوری صاحب
✰✰✰

Post a Comment

0 Comments

Top Post Ad

Below Post Ad